Rıf'at Dede'den Gazel<br />Ben şehîd-i bâdeyim dostlar demim yâd eyleyin<br />Türbemi meyhâne enkazıyla bünyâd eyleyin<br />Gasl olunmaz mâ ile gerçi şehîdân-ı vegâ<br />Yıkayın meyle beni bir mezhep icâd eyleyin<br />Türbeme kandil içün bir köhne sâgar vakf edin<br />fiu'le-i nâr-ı arakla rûhumu şâd eyleyin<br />Türbedâr olsun bana bir rind-i mey-hâr-ı garîb<br />Nezr-i serhoşân ile ol pîre imdâd eyleyin<br />Neyle, meyle, bir alay mahbûb ile her dem gelin<br />Bezm-i Cem âyinini kabrimde mu'tâd eyleyin<br />Her gelen mestân u rindân ise gelsin türbeme<br />Gelmesin sofi vü zâhid tard u ib'âd eyleyin<br />Mest eder bûy-ı türâb-ı meşhedim bu âlemi<br />Bâde-nûşânı bu nev-neşveyle irşâd eyleyin<br />Yâdigâr olsun bu nazmım evliyâ-yı sâgara<br />Gitti Rıf'at perr açıp, ardınca feryâd eyleyin